Kabhi kabhi bahut se masle aise hote hain jo humein kashmakash mein daal dete hain. aise mein kya karein, kya na karein, samajh nahi aata. aur khaas kar jab khud ke ya doosron ke jazbaaton ka mamla ho, toh mushkil aur badh jaati hai.
Jab dil aur dimaag takra jaye, tabhi kya kare? kisi ek ki sune ya donon ko ansuna karke baat hi khatm kar de?
Apne dil ki awaaz suno. zindagi ke baaki shor mein woh aasani se chup kara di jaati hai. par use bolne do, apni baat batane do. agar koi baat aisi ho jismein donon ki takraar ho rahi hai, toh pehle suno. aur phir chuno. chuno, ki us waqt kaun apni jagah zyada sahi hai: dil ya dimaag. chuno, ki us waqt apni khushi zyada mayne rakhti hai ya auron ki.
Aajkal lagta hai jaise zindagi humein doosra mauka de rahi hai, sab kuch bhool jane ka. lekin woh hum nahi lenge. kyonki humne suna hai ki agar kisi aur ka dil todkar hum apni khushi pate hain to woh sahi nahi. aur theek hi toh kaha hai. aakhir kar zindagi ek dukhi dil ka badla humse kaise legi, yeh kaha nahi ja sakta.
isiliye suno. aur phir chuno, sahi raasta kaunsa hai. apni khushiyan kho kar kisi aur ko hi khushiyan kyon na deni pade. iska phal humein ek din zindagi se zaroor milega :)
0 handprints on my wall:
Post a Comment