Tere junoon mein gum hua raasta
fanaa hue saare khwaab
Tere ishq mein paayi nayi zindagi
phir bhi ho gaye barbaad...
Sar jhuke, toh sirf tere saamne
teri ibaadat mein bhool gaye apna khuda
Ab apne liye kuch nahi maangte
tere liye karte hain dua
Taras gaye hain ek nazar ke liye
de do apna deedaar
Sadiyaan beet gayi, aur naa karwao intezaar
Tere ishq mein jalte hue
iss patange ko kaise samjhaye?
Teri roshni mein pighalti hui
iss rooh ko kya bataye?
Tere sadke hai humari jaan
aur hum tujhse mehroom
Ajab ishq hai yeh
jismein milta hai sukoon
Ab nahin rehte dharti par
hum hai iss jahaan se pare
Jannat mein jeete hai hum, teri yaadon ke sang
kal ki fikr kyon kare?
Teri talaash mein
phirte hain hum dar badar
apne paraye se bekhabar
bhula diya sansaar
Tere ishq mein paayi nayi zindagi
phir bhi ho gaye barbaad...
