luka chhupi

kehte hai agar laut kar aaye koi
toh woh tumhara hai
agar nahi toh use jaane do


tum toh chale gaye
par tumhari rooh jo sil chuki hai humse;
uske taankon ka kya kare?


wakai
hum phir se aaye wahin par
jahaan se nikle the
isi raah se guzar kar pahunchenge phir wahi
jahaan se nikle the
silsila jaari rahega...
aur phir se kho jaoge tum kahin
....arre kabhi toh haath lago!


lekin achhi nahi hai aisi luka chhupi
jo rahon se bhatka kar
sapne dikhaye
der tak jagaaye
bewajah gaane ganvaye


shaayad waqt nahi hai tumhein
aur humein bhi
ki yeh luka chhupi bandh kar ke
kuch der sun le....
....kyon? sunai di na, do dhadkanein ek saath?


phir kyon khel rahe ho humse?


aaja saanjh hui, mujhe teri fikar
dhundhla gayi dekh meri nazar
aaja na